‘Kan naupan lai chuan’ tih tawngkam hi Pitar Putar pui pui tawh te chauh sawi tur a ni bik lova, keini la tar chiah lote pawhin ‘Naupan lai’ kan neih ve avangin ti hian bul han tan ve ila.
Nia, kan naupan lai chuan tunlai ang hian thil hi a la changkang ve lova. Tunlai naupangin awlsam taka engkim an tih zung zung tawh thil tam tak hi a awlsam lo khawp thin. Thil khirhkhan tam tak zingah Suangtuahna kan inhman nasat hleih dan lam chhui ka chak deuh.
Suangtuahna hi tunlai naupang ai hian kan seng nasa deuh em aw.. ka ti deuh thin. Radio or Tape Recorder-ah zai kan ngaithla a, Kan beng hriatna chauh hmangin kan ngaithla a, suangtuahna leh mithlain a zaitu hmel leh a hla thuin a ken tel thawnthu kan chhui zui thin. Drama kan ngaithla a; Hamlet, Romeo & Juliet, Johana, Ka ngaidam tawh che asin!, Thangkura, etc.
Beng hriatna mai chauh chhawrin Suangtuahna khawvelah kan zuanglut a, ngaihtuahna hmang thatchhe ber tan pawh ngaihtuahna tam tak sen a ngai bik a ni. Cartoon film tha tak tak te, Computer Games or Video Games la awm ve hek lo, phuahchawp tak taka infiamna hrang hrang dap chawpin hun kan hmang liam thin. Thil tam tak hi loh theih lohvin ngaihtuah a ngai bik tlat a ni.
Tunlai naupang chuan a tlangpuiin Creative mind hi an tlachham deuh tawh em aw? ka ti thin. An mahni kutkawih liau liaua thil tih tum ve na hi an nei chau em em tawh a, thil hoteah pawh tih sak hi an ngai nasa bik tawh a ni.
An thiam loh a ni hauh lova, Khawvel lo changkan zel leh nunphung lo sang tain a kel tel a ni. Dream ngai ve hauh lovin TV/Video/Games a tak lang nghal vekin an nei a tawh. Zai ngaithla se, a tlangpuiin, a satu hmel leh a hla thu mil video en nghal tur a awm tawh a.
Audio chauh Drama ngaihthlak a ngai tawh hek lo. Thawnthu ngaihthlak dauh dauhva mitthla chawp ai chuan Film tha tak tak, mitthla chawp ngai hauh lo duh hun huna en tur a awm ta bawk nen.
Mihring nunah hian Creativity hi a pawimawh em em a, tunlai kan naupang ho tan hian Creative Mind an neih theih nan tihsak theih kan nei em? Heti lam hi kan ngaihtuah tawh ngai em?
Subscribe to:
Post Comments (Atom)
Ziak tha hle mai.
ReplyDeleteKa ngaihtuah ve mai mai chu, tunlai naupang ten tiang ang latest technology access an nei te hi, an creativity lamah a tanpui ve thei thovang. An hmang dan a zir a ni berin ka hria.
Internet hi thil interesting deuh deuh rilru siam puitlingna lama hmang nge, chat mai mai a mi bawl a tan hmang... etc etc.
kan naupang ve lai kha chuan, inrinni sikul chawlhni kha chuan Sephung kua lai in kan ni leng ve thin,tunlai naupang te chuan an ti peih tawh lo nge,tih na chang an hre tawh lo/hun khawlh ral na tur a ai nuam awm vang zawk?
ReplyDeleteBahmun ah te kan feh ve thin, kha`ng ka thil tawn te khan vawinni ka thil tih na ah eng emaw takin min pui ve in ka hre thin.
Mizo pa rilru tak atang chuan tunlai naupang te hi an vanduai ve hle chuan ka hre ve tlat.
kan naupang lai kha chuan nu leh pa ten min hrilh hre lo mahse eng emaw chen kha chu Mizo zia,thil tih dan kan hre ve...mahse tunlai naupang te tan chuan an zirlai bu pakhat ah dah sak a gai tawh dawn ani..kan Mizo khawtlang nun, in enkawl dan te hre tur chuan......
a dik khawp mai. a chhan ni ber a ka hriat chu kan education system hi "banking" tial tial a, text hmang ngawr2 kan inzirtir a. Mumal zawk leh practical turin infrastructure kan nei tha leh mang si lo..hmanlai naupang angin practical taka tihtur a tlem tial tial..(e.g hmanlai naupang sava veh kha, pasaltha nihna rahbi a ni)
ReplyDelete